Shumica e anëtarëve të Partisë Konservatore duan që kryeministrja e Britanisë, Liz Truss të japë dorëheqjen dhe të zëvendësohet nga Boris Johnson.
Vetëm gjashtë javë pasi e votuan Truss, në një sondazh të YouGov me anëtarët e konservatorëve, u zbulua se 55% e tyre nëse do të kishin mundësinë të votonin sërish do të zgjidhnin Rishi Sunak, ndërsa 25% Truss.
Po ashtu nga sondazhi doli se 55% e anëtarëve mendojnë se ajo duhet të japë dorëheqjen tani, ndërsa 38% besojnë se ajo duhet të vazhdojë të jetë kryeministre e Britanisë.
63% mendojnë se ish-kryeministri Boris Johnson do të ishte një zëvendësues i mirë i Truss, ndërsa 32% e vendosin atë si kandidatin e tyre kryesor, të ndjekur nga Sunak me 23%.
Po ashtu, 60% e tyre mbështesin Sunak si një zëvendësues, ndërsa 47% mendojnë se kancelari i ri Jeremy Hunt do të ishte një zëvendësim i mirë.
Ish-kandidatja për lidership Penny Mordaunt ka gjithashtu shumë mbështetje, me 54% që mendojnë se ajo do të ishte një zëvendësim i mirë, ndërsa 62% mendojnë se Sekretari i Mbrojtjes Ben Wallace do të ishte megjithëse ai e përjashtoi veten herën e fundit.
Një total prej 31% e anëtarëve konservatorë të intervistuar mendojnë se ata duhet të jenë të vetmit që zgjedhin një lider të ri, ndërsa 25% mendojnë se vetëm deputetët duhet të zgjedhin.
Sondazhi u krye një ditë pasi Hunt njoftoi se qeveria po e kthente shumicën e politikave mini-buxhetore të shpallura tre javë më parë nga Kwasi Këarteng, i cili u shkarkua nga posti i kancelarit të premten.
YouGov anketoi 530 anëtarë të Partisë Konservatore midis datave 17 dhe 18 tetor./Opinion.al
