Dy kongresmenë amerikanë i janë drejtuar sot më 2 shkurt, FBI-së me një letër zyrtare, përmes së cilës kërkojnë informacion lidhur me të dhënat, komunikimet apo detaje të tjera të lidhura me çështjen e McGonigal.
Kryetari i Komitetit Gjyqësor Jim Jordan dhe deputeti Matt Gaetz, kërkojnë gjithashtu që hetimi të mbarojë më 16 Shkurt të këtij viti, në orën 5 pasdite.
Në ndihmë të Komitetit Gjyqësor për kryerjen e verifikimeve nga ana e tyre, në letër kërkohet informacioni i mëposhtëm:
1.Të gjitha të dhënat e personelit të Charles McGonigal, me formularë vlerësimi të sigurisë së Shteteve të Bashkuara dhe çdo dokument tjetër të lidhur me të.
2.Të gjitha dokumentet dhe komunikimet që i referohen ose lidhen me FBI-në për vlerësimin dhe përgjigjien ndaj hetimeve për Charles McGonigal.
3. Të gjitha dokumentet dhe komunikimet që i referohen ose lidhen me veprimet janë ndërmarrë ose planifikuar të ndërmerren nga FBI për të zbutur rreziqet ndaj sigurisë kombëtare prej Charles McGonigal.
