Kryeministri Edi Rama ka reaguar lidhur me kongresin e PSD në Berlin. Nëpërmjet një postimi në rrjetet sociale, kreu i qeverisë është ndalur te procesi i Berlinit, të cilin e cilëson një sukses.
Më tej, Rama shkruan se Shqipëria është e përkushtuar ndaj këtij procesi si platforma kryesore për bashkëpunimin e nivelit të lartë në Ballkanin Perëndimor.
“Me rastin e Kongresit të SPD në Berlin, ju falënderoj sinqerisht kancelar Olaf Scholz për udhëheqjen e tij. Procesi i rinovuar i Berlinit është vetëm një nga shumë sukseset e miqve dhe aleatëve tanë në Berlin. Shqipëria do të mbetet thellësisht e përkushtuar ndaj këtij procesi si platforma kryesore për bashkëpunimin e nivelit të lartë në Ballkanin Perëndimor”, shkruan Rama në platformën X.
