Alfred Peza, në studion e A2CNN ka thënë se Fatos Nano e ka pranuar ftesën për të qenë i pranishëm në Kongresin e Partisë Socialiste më 23 mars.
Sipas statutit të PS-së, në Kongres ftohen të gjithë ish-kryetarët dhe ish-kryeministrat e kësaj partie. Deri më tani, Nano nuk ka marrë pjesë në aktivitetet e Partisë Sociaslite përveç një mesazhi urimi dërguar Edi Ramës me rastin e 26-vjetorit të partisë, në prag të zgjedhjeve të vitit 2017.
Në lidhje me kandidaturat për zgjedhjet lokale, Peza ka thënë se për to duhet të shprehen strukturat. “PS vazhdon axhendën politike të vendosur muaj më parë, pa ditur se çdo të ndodhte sot. PS do të shkojë në zgjedhje, me apo pa PD. Axhendën nuk e dikton dot asnjë nga partitë politike, por vullneti i popullit shqiptar. Strukturat e PS do të përcaktojnë edhe nëse Dako apo Sejdini do të jenë sërish kandidatë për kryetarë bashkie”, është shprehur Alfred Peza./Opinion.al
