Teksa po mbahet Kongresi i Partisë Socialiste, në Pallatin e Kongreseve, ka reaguar kreu i Grupit parlamentar të PD, Gazment Bardhi.
Përmes një postimi në rrjetet sociale, Bardhi ironizon Kongresin duke ndarë një foto të eksponentëve socialist të dënuar nga Drejtësia, ndërsa shkruan: Zbulohet paneli i 7 i Kongresit të PS me temë diskutimi “Eksperienca më e mirë në luftën kundër korrupsionit në Qeverinë e Edi Ramës”. Për arsye “objektive” diskutimet do të zhvillohen online!”-shkruan Bardhi.
Pjesë e panelit të 7-të, sipas Bardhit janë: ish-zëvendës kryeministri Arben Ahmetaj, ish-ministri i brendshëm Sajmir Tahiri, ish-ministri i shëndetësisë Ilir Beqaj, ish-ministri i mjedisit Lefter Koka, ish-kryebashkiaku i Durrësit Vangjush Dako, deputeti i PS Alqi Bllako, ish-kryebashkiaku i Kukësit Safet gjici, ish-kryebashkiaku i Bulqizës Lefter Alla, ish-kryebashkiaku i Fushë-Arrëzit Fran Tuci, ish-kryebashkiaku i Lushnjës Fatos Tushe, kryebashkiaku i Rrogozhinës Edison Memolla dhe kryebashkiaku i Kuçovës Kreshnik Hajdari.
