Opinioni publik mbetet i tronditur nga tragjedia në Veri, ku një nënë 29-vjeçare akuzohet se hodhi në digën Aliakmonas foshnjën e saj 11-muajshe, me pasojë vdekjen tragjike.
Varrimi u bë pothuajse fshehurazi, pak pas orës 15:30 ku mori pjesë nëna e 29-vjeçares, e cila ishte kujdesur pothuajse gjithë kohën për fëmijën dhe tre të afërm të tjerë.
Në varrim ka munguar babai, i cili duke folur për mediat tha se nuk është lajmëruar nga familja, për ngjarjen.
“Ai ishte një engjëll, i lumtur. Kujt nuk i dhemb zemra. Për këtë fëmijë u përpoqa në maksimum”, tha i tronditur babai i foshnjës së vdekur.
Burri ka pohuar gjithashtu se që nga dita e lindjes së fëmijës ka tentuar ta identifikojë, ndërsa sipas asaj që ka thënë ai ka bërë edhe analizën e ADN-së: “Po luftoja për identifikimin e fëmijës dhe asgjë më shumë. Nuk shkova mirë, nuk i di arsyet pse ajo nuk donte që unë ta pranoja.”
Sipas informacioneve, 29-vjeçarja nuk është plotësisht e vetëdijshme se çfarë ka ndodhur natën e ndërrimit të viteve në digën e Aliakmonasit dhe kërkon të dijë për fëmijën e saj.
Dëshmitë e saj në polici dhe prokurori janë të paqëndrueshme. Pretendimi i saj fillestar ishte se ajo e la foshnjën në një ndërtesë të braktisur. Pastaj ajo tha se e la të sigurt në digë, por më në fund u tërhoq dhe pretendoi se nuk dinte asgjë.
Prokurori ka ngritur procedim penal për vrasje nga pakujdesia ndaj nënës 29-vjeçare të foshnjës.
“Nuk e vrava fëmijën, më thanë se mbaroi. Nuk e di se çfarë ka ndodhur”, vazhdonte të thoshte 29-vjeçarja e dyshuar jashtë gjykatave të Verisë./Opinion.al
