Është identifikuar emri i të plagosurit me armë zjarri ditën e djeshme tek rruga e Kavajës.
Ai quhet Nelgert Astrit Pata, 34 vjeç. Nelgert Pata u largua nga vendi i ngjarjes pas konfliktit dhe nuk u paraqit për ndihmë mjekësore. Për rrjedhojë, nuk figuroi në njoftimin e policisë.
Përplasja me armë që ndodhi rreth orës 15:30 në ‘Rrugën e Kavajës’ pranë parkut të autobusëve.
Sipas policisë, qenë tre persona që u konfliktuan me njëri-tjetrin, ndërsa njëri prej tyre qëlloi me armë. Sipas policisë, deri dje, asnjë person nuk rezultonte i dëmtuar nga të shtënat me armë.
NJOFTIMI I POLICISE
Tek Salla Operative e Drejtorisë së Policisë Tiranë ka ardhur një telefonate se është dëgjuar një e shtënë me armë zjarri.
Menjëherë në vendngjarje kanë shkuar shërbimet e policisë ku eshte konstatuar se:
Dyshohet se tre persona jane konfliktuar per motive ende te paqarta tek ish parku i autobuzeve dhe njëri prej tyre ka qelluar një here me pistoletë në drejtim të një personi dhe janë larguar menjëherë.
Si pasojë e kësaj ngjarje deri tani nuk ka persona te demtuar .
Jane shoqeruar dy prej personave të dyshuar te perfshire konflikt.
Policia ne vendngjarje po punon për zbardhjen e sqarimin e rrethanave te ngjarjes.
