Policia e Vaut të Dejës njofton se ka mundur të shmangë përshkallëzimin e mëtejshëm të një konflikti mes dy familjeve për pronën, i cili mund të përfundonte me një bilanc tragjik.
Sipas të dhënave, 4 persona ishin duke u konfliktuar me njëri-tjetrin në fshatin Barbullush dhe për këtë arsye policia arriti të verë në pranga një prej tyre dhe të shpallë në kërkim një tjetër, të cilët me armë zjarri kërcënuan dy vëllezër.
I arrestuari është Kujtim Gegaj, teksa u shpall në kërkim djali i tij, pasi të dy bashkë kanosën vëllezërit Gj. M., 37 vjeç, dhe Gj. M., 35 vjeç.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme, për veprat penale “Kanosja” dhe “Mbajtja pa leje dhe prodhimi i armëve, armëve shpërthyese dhe i municionit”.
