Kronikë

Konflikti në Shkodër, arrestohen në spital vëllezërit Doçaj


Bëhu pjesë e Grupit Zyrtar të Opinion.al
>> KËTU <<
               Publikuar në : 13:12 - 21/03/21 |
Opi Nion

Janë arrestuar në spital dy vëllezërit Marjan dhe Hoten Doçaj, të cilët kanë mbetur të plagosur mbrëmë në Bardhaj të Shkodrës, gjatë shkëmbimit me armë zjarri, ndërsa është shpallur në kërkim nga policia autori, Besmir Perkola. Arrestimi i tyre është bërë në kushtet spitalore në spitalin e Traumës në Tiranës, ku ndodhen jashtë rrezikut për jetën, nën mbikëqyrje nga forcat e policisë.

Motivi i kësaj plagosjeje mbetet ende i paqartë, pasi edhe dy vëllezërit e plagosur në deklarimin për policinë kanë thënë: “Ishim tek makina kur një person u afrua dhe qëlloi drejt nesh në mënyrë të papritur. Nuk e kemi idenë përse na ka qëlluar, sepse nuk kemi ndonjë konflikt”, raporton news 24.

Ndërsa policia sqaron se fillimisht ka pasur një konflikt fizik mes palëve, ku për pasojë vëllezërit Doçaj kanë qëlluar të parët me armë zjarri në drejtim të shtetasit Besmir Perkola.

Njoftimi i policisë:

Në vijim të veprimeve për zbardhjen e ngjarjes së ndodhur mbrëmjen e djeshme në fshatin Bardhaj, në përfundim të veprimeve të para hetimore u bë arrestimi në flagrancë i shtetasve M. D., 26 vjeç dhe H. D., 31 vjeç, banues në fshatin Bardhaj, Shkodër, si dhe u shpall në kërkim shtetasi B. P., 29 vjeç, banues në fshatin Bardhaj, Shkodër. Nga veprimet hetimore rezultoi se:
Më datën 20.03.2021 rreth orës 19.30, në fshatin Bardhaj Shkodër, gjatë një konflikti për motive të dobëta shtetasit M. D. dhe H. D. kanë qëlluar me armë zjarri në drejtim të shtetasit B. P. i cili i është kundërpërgjigjur duke qëlluar me armë zjarri automatik, ku për pasojë mbetën të plagosur jashtë rrezikut për jetën dy vëllezërit ndërsa shtetasi B.P., u largua nga vendi i ngjarjes dhe u shpall në kërkim. Vijon puna intensive për kapjen e shtetasit B.P.Në vendin e ngjarjes janë sekuestruar prova materiale që shërbejnë për dokumentimin e plotë të ngjarjes si dhe mjeti tip Audi, i shtetasit M.D. Materialet iu referuan Prokurorisë së Rrethit Gjyqësor Shkodër në ngarkim të shtetasve M. D. dhe H. D. për veprat penale “Vrasje me paramendim, e kryer në bashkëpunim, mbetur në tentativë”, si dhe “Mbajtje pa leje të armëve dhe municioneve luftarake”, ndërsa për shtetasin B. P. për veprat penale të “Vrasje në rrethana cilësuese, e mbetur në tentativë”, dhe “Mbajtje pa leje të armëve dhe municioneve luftarake”./Opinion.al

 

 

Pas