Një sherr verbal i nisur në lokal mes disa personave ka përfunduar me të shtëna armësh dhe të plagosur. Ngjarja ka ndodhur sot rreth orës 12:30 në një bllok pallatesh, në zonën e Selitës në Tiranë, rruga “Irfan Tomini”.
Njëri prej të plagosurve quhet Gjon Pelivani, ndërsa i plagosuri i dytë është Renato Hoxha. Ky i fundit mendohet se është kamarieri i lokalit. Të dy plagosurit janë dërguar në Spitalin e Traumës jashtë rrezikut për jetën. Forca të shumta të policie janë në vendin e ngjarjes, ndërsa ende nuk dihen motivet e kësaj ngjarje. Policia ka shpallur në kërkim autorët e perfshire ne ngjarje.
Njoftimi i policisë së Tiranës
Më datë 16.02.2018, rreth orës 12:30, në rrugën “Irfan Tomini”, gjatë një konflikti të çastit janë plagosur me armë zjarri në këmbë shtetasit R. H., 31 vjeç dhe Gj.P. 27 vjeç., të dy jashtë rrezikut për jetën.
Shërbimet e Policisë kanë shkuar në kohë në vendngjarje ku kanë bërë identifikimin e autorit dhe po punohet intensivisht pë kapjen e tij. Pika të shumta kontrolli dhe në lëvizje për të bërë të mundur kapjen e autorit. Grupi hetimor po vijon punën për zbardhjen e rrethanave të ngjarjes.
/Opinion.al
Vendi i ngjarjes: Lagjia qe shtrihet pergjate rruges nga Vasil Shanto tek Pallati me Shigjeta, prane Kastratit. Zona ndryshe njihet si “stacioni i fundit” i Tiranës së Re.
