Një ditë pas përplasjes së fortë mes ambasadorit amerikan, Donald Lu dhe kreut të akuzës shqiptare Adtiatik Llalla, ky i fundit ka shkuar në zyrën e kreut të Kuvendit Ilir Meta.
Donald Lu gjatë ditës së djeshme në një sulm të paprecedent deklaroi se Llalla ka sabotuar reformën në drejtësi, ka shkelur Kushtetutën në emërimet për KED si dhe ka kërkuar të sekuestrojë serverin e ILDKPKI.
Përgjigja e Llallës ka qenë sërish shumë e fortë. Gjatë ditës së djeshme ai deklaroi se Lu është investuar personalisht në Shqipëri duke hequr petkun e dpilomatit. Ai përmendi rastin e ndërhyrjes për mbylljen e hetimeve ndaj ‘Bankers Petrolium’, rastin e revokimit të vizave për atë personalisht, bashkëshorten e tij dhe disa prokurorë të tjerë. Llalla tha se i është revokuar viza edhe prokurores Rovena Gashi që po heton deputetët në kuadër të ligjit të dekriminalizimit. Sipas Llallës: “sorosiani Donald Lu është mësuar të bëjë ligjin në zyrat e shtetit por këtë s’mund ta bëjë në prokurorinë e përgjithshme”.
Gjatë intervistës në ‘Opinion’, mbrëmjen e djeshme, Llalla tha se për të gjitha shqetësimit e tij me ambasadorin amerikan ka vënë në dijeni kryeparlamentarin Meta dhe Presidentin Nishani. I pyetur nga Fevziu, nëse ka vënë në dijeni edhe Ramën, Llalla u përgjigj: “Jo, pasi institucioni i prokurorisë jep llogari tek Kuvendi”. /Opinion.al
