Një konflikt i rëndë mes dy fqinjëve në lagjen nr.18 në Korçë është parandaluar nga Policia për të mos shkuar në ekstrem.
Në pranga është vënë Skënder Shahinasi, 58 vjeç, banues në Korçë, pasi, dje, pas një konflikti të çastit për motive të dobëta me E..SH, 58 vjeç, ka tentuar ta vrasë këtë të fundit, duke e goditur disa herë me thikë. E.SH është çuar në Spitalin Rajonal të Korçës menjëherë, ku ndodhet nën kujdesin intensiv të mjekëve.
Por, autori, në momentin kur do të arrestohej, u gjet në afërsi të shtëpisë duke mbajtur një sopatë në dorë krahas një thike me teh të këputur.
Shahinasi akuzohet tani për “Vrasja me dashje, e ngelur në tentativë” parashikuar nga nenet 76 e 22 të Kodit Penal.
