Gazeta Panorama ka zbardhur sot një letër që ministrja teknike Helga Vukaj i dërgonte Kryeministrit Rama, ku i ankohej për bllokimin e vazhdueshëm që i bëhej nga zëvendësja Irena Beqiraj dhe zyrtarë të tjerë ‘politikë’. “Mungesa e bashkëpunimit arrin deri në mbajtjen peng të të dhënave të numrit të gjelbër të denoncimeve të ardhura që nga data 25 qershor”, shkruan Vukaj në letrën kondenciale për KM, sipas Panoramës.
“Mungon bashkëpunimi dhe kjo është kthyer në fenomen. Situata bëhet edhe më e papranueshme për shkak të qëndrimeve arrogante, jashtë çdo norme etike, morale dhe qytetare. Vërejmë me shqetësim të thellë se zv/ministrja Irena Beqiraj dhe sekretarja Prodani po shantazhojnë punonjësit e aparatit të ministrisë duke u kërkuar atyre që të mos japin asnjë lloj informacioni për Kabinetin e Ministrit me fjali të tipit “do të rikthehemi sërish më dt 27 qershor”. Kontrollohet në mënyrë abuzive gjithë posta hyrëse dhe dalëse e ministrit. Zoti Kryeministër, kërkojmë nga ana juaj ndërhyrjen e menjëherëshme”, shkruan ministrja Vukaj në letrën për Ramën.
