Vetëm pak orë pas dorëheqjes, Ministri i Brendshëm Sandër Lleshaj ka paut një lidhje në emisionin “Opinion”.
I pyetur nga gazetari Blendi Fevziu, nëse ky moment finalizoi një raport kontradiktor mes tij dhe Kryeministrit Rama, ai u shpreh se nuk ka patur kurrë raporte të ngrohta me Kryeministrin.
Fevziu: Flitet se ka patur një kontradiktë mes jush dhe Kryeministrit Rama në një mbledhje qeverie. A ka qenë ky një moment kur Rama “ju ka hequr qafe” për të shlyer edhe këtë kontradiktë mes jush?
Lleshaj: Nuk jam një person që hiqem qafe lehtësisht.
Fevziu: A keni patur konflikt me Kryeministrin?
Lleshaj: Nuk kam patur marrëdhënie të ngrohta me Kryeministrin dhe nuk mbaj marrëdhënie të ngrohta me shumë njerëz. Kam patur një marrëdhënie profesionale, korrekte. Është marrëdhënie intelektuale, profesionale, njerëzore dhe është një model shumë i mirë i raportit mes Ministrit të Brendshëm dhe Kryeministrit të një vendi. Një marrëdhënie krejt profesionale, e pacenuar nga asnjë lloj raporti tjetër./Opinion.al
