Një konflikt mes dy personave të mërkurën ka përfunduar me përdorimin e armës, fatmirësisht pa të lënduar.
Ngjarja ka ndodhur në fshatin Bushat të Vaut të Dejës. Burimet nga policia thanë se personat e përfshirë në konflikt janë Zefjan Çuni, 40 vjeç dhe Z. Ll, 40 vjeç.
Policia tha se Çuni, menjëherë pas konflikit, ka qëlluar me armë gjahu në drejtim të automjetit me të cilin po largohej shtetasi me incialet Z.Ll, por pa shkaktuar pasoja.
Mësohet se konflikti ka ndodhur për motive të dobëta, ndërsa materialet iu referuan prokurorisë.
