Një konflikt me armë midis dy personave mund të kishte patur pasoja tragjike nëse rasti nuk do të ishte denoncuar në polici.
Një vrasje është parandaluar në fshatin Baltëz të Fieri. Sipas burimeve të policisë bëhet e ditur se pas një konflikti për motive banale, një 20-vjeçar ka tentuar të vrasë me armë zjarri një bashkëfshatar 53-vjeçar.
Fatmirësisht për këtë konflikt ishte lajmëruar policia e cila bëri të mundur ndalimin në kohë të 20-vjeçarit si dhe sekuestroi armën me një krehër me 30 fishekë.
Mbi 20-vjeçarin tashmë rëndojnë akuzat “Vrasja me dashje e mbetur në tentativë” dhe “Prodhimi dhe mbajtja pa leje e armëve dhe municionit luftarak”. /Opinion.al
