Mjeku kinez i cili paralajmëroi për herë të parë për shpërthimin e koronavirusit të ri kinez ka ndërruar jetë. Një fakt i tillë u konfirmua nga spitali që e trajtoi atë.
Li Wenliang u infektua nga koronavirusi ndërkohë që punonte në spitalin qendror të qytetit Vuhan.
Ai paralajmëroi mjekët e tjerë më 30 dhjetor, por iu kërkua nga policia të mos bënte “komente false”.
Gjatë së enjtes pati raportime kushtërshtuese lidhur me vdekjen e tij, por gazeta shtetërore kineze ‘People’s Daily’ konfirmoi se ai ka ndërruar jetë në orët e para të së premtes sipas kohës lokale.
Komisioni Kombëtar i Shëndetit në Kinë konfirmoi se 636 njerëz kanë humbur jetën nga koronavirusi në këtë vend, ndërsa mbi 31,000 janë infektuar.
Koronavirusi shkakton infeksion të rëndë akut të frymëmarrjes dhe simptomat zakonisht fillojnë me ethe dhe kollë të thatë./Opinion.al/
