Shkon në 3 numri i të prekurve nga koronavirusi në Kosovë. Lajmin e ka bërë të ditur Ministri i Shëndetësisë i Kosovës, Arben Vitia, i cili njoftoi se pacienti i tretë është i afërm i pacientit nga Vitia.
Ministri i Shëndetësisë, tha se po merren masa që vendi të mbesë në listën e shteteve me rrisk të ulët.
“Kemi bërë maksimumin që të mbesim në listën e shteteve me risk të ulët. Gatishmëria e institucioneve ka mundësuar që ta kalojmë më shumë pak pasoja këtë sitautë.Sic jeni njoftuar mbrëmë, sapo janë njoftuar rastet e para të infektuara, qeveria ka marrë masa të reja për menaxhim të situates”, tha Ministri.
Dy pacientët e konfirmuar të premten, janë një 77 vjeç dhe një 20 vjeçe, ndërsa i treti është 39 vjeç.
Ministri Vitia bëri thirrje që qytetarët të respektojnë rekomandimet e autoriteteve përgjegjëse.
Naser Ramadani, nga Instituti Kombëtar i Shëndetësisë Publike, tha se gjendja e të infektuarve është e qëndrueshme dhe se janë kryer 140 teste, tre prej tyre kanë rezultuar pozitiv me koronavirusin e ri./Opinion.al
