Dy 20 vjeçarët që kanë rrahur në mes të qytetit të Lezhës, n/kryetarin e qarkut janë nipat e deputetit të dorëhequr të PS-së, Arben Ndoka. Ai u largua nga parlamenti pas akuzave të shumta nga opozita dhe pasi doli se kishte patur precedente penal në Itali.
Arben Ndoka vazhdon të drejtojë PS-në e Lezhës edhe pse është një deputet i larguar.
Lidhur me incidentin e djeshëm në Lezhë, policia ende nuk ka dhënë një version për motivet por thotë se autorët janë identifikuar, por kanë arritur të largohen nga vendi i ngjarjes. Opinion.al ka mësuar se ata janë Klajdi dhe Samuel Ndoka, pikërisht nipat e Arben Ndokës.
Personi që ra pre e dhunës së tyre, Agostin Marku ka përfunduar në spital me fraktura. Ai ka qenë duke dal nga një lokal mesditën e djeshme kur është goditur me grushte, shqelma dhe mjete të forta nga dy vëllezërit Ndoka, përkatësisht Klajdi 20 vjeç dhe Samuel 18 vjeç.
Vetë i dëmtuari ka thënë se nuk kishte njohje të mëparshme me dy të rinjte dhe nuk e dinte arsyen pse e goditën. Agostin Marku është nënkryetar i qarkut të Lezhës dhe aderon në PDS. Më parë ka qenë deputet dhe prefekt i qarkut të Lezhës dhe ka qenë me PS-në.
Përfshirjen e Arben Ndokës në këtë ngjarje e përmendi edhe lideri i opozitës mbrëmjen e djeshme. Mbeten për tu zbuluar nga policia motivet e këtij incidenti të rëndë 4 muaj para zgjedhjeve si dhe arrestimi i autorëve të dhunës.
/Opinion.al
