Alarmi për bombë në Vlorë rezultoi i vertetë. Endrit Sabaudinajt 30 vjeç i kishin vënë lëndë eksplozive pak metra larg makinës Mercedes Benz E Class me targa “AA 230 OX. Ai lajmëroi vetë policinë e Vlorës e cila priti forcat xheniere dhe pas 3 orësh u krye shpërthimi i kontrolluar. Burime të policisë thanë se ishte vendosur 300 gr tritol. Hetimet për këtë ngjarje vazhdojnë dhe pritet që 30 vjeçari të merret në pyetje për konfliktet e mundshme. Endrit Sabaudinajt ka me qira një lokal në zonën e Ujit të Ftohtë në Vlorë.
Njoftimi i policisë i orës 20:00
Vlorë Informacion paraprak Më datë 15.12.2017, rreth orës 18:55, Salla Operative Vlorë është njoftuar nga një telefonatë prej shtetasit E.S., 30 vjeç, pasi dyshon se rreth 2 m larg, përpara mjetit të tij tip ”Benz”, në lagjen ”Uji i Ftohtë”, dallon një qese plasmasi të zezë dhe dyshon se ka lëndë eksplozive. Menjëherë në vendngjarje kanë shkuar shërbimet e Policisë të cilët kanë konstatuar se, në rrugë, rreth 2 m përpara mjetit tip ”Benz” gjendet një objekt i mbështjellë me qese të zezë. Policia ka rrethuar zonën për të mbajtur larg perimetrit të rrezikut banorët përreth. Janë njoftuar e janë duke ardhur edhe Forcat Xheniere për të vlerësuar situatën dhe përcaktuar çfarë objekti është.
