Është konfirmuar ambasadori i ri i Shteteve të Bashkuara të Amerikës në Kosovë. Ambasadori i ri i Kosovës do të jetë Jeffrey Hovenier, emërimi i të cilit erdhi pasi Senati konfirmoi propozimin e presidentit, Joe Biden, të bërë që në muajin korrik.
Hovenier zëvendëson në këtë post, Philip Kosnett, të cilit i përfundon mandati, në fund të këtij viti. Kosnett është larguar nga Kosova pak muaj më parë, ndërsa në detyrë ka mbetur zëvendësi i tij, Nick Giacobbe.
Ambasadori i ri është një diplomat karriere i shërbimit të jashtëm amerikan.
Ai ka një lidhje të vjetër me Kosovën pasi ka qenë pjesë e stafit të të dërguarit të posaçëm të Kombeve të Bashkuara për statusin e Kosovës.
Në vitin 2018, ish-presidenti i Kosovës, Hashim Thaçi, e dekoroi Hovenier me Medaljen Presidenciale Jubilare për 10-vjetorin e pavarësisë “për kontributin e tij për lirinë dhe pavarësinë e Kosovës”.
