Konferencë e jashtëzakonshme/ A do ta dekretojë Nishani z. Xhafaj për Ministër të Brendshëm?

Presidenti i Republikës Bujar Nishani ka paralajmëruar se do të mbajë një konferencë në orën 18.00 të mbrëmjes së sotshme. Një konferencë e cila nuk duket aspak e zakonshme për një ditë të diele si kjo. Në këtë konferencë paralajmëron zyra për shtyp e Presidencës do të jenë të ftuar për të bërë pyetje edhe gazetarët. Por për çfarë del Presidenti i Republikës në këtë ditë të diele në konferencë për shtyp. Gjasat më të mundshme janë zhvillimet politike më të fundit në vend por edhe dekretet e ardhura nga Kryemistri Rama për postet ministrore ku ka ngjallur më shumë diskutime ai i z. Fatmir Xhafaj. Propozim që ka ndeshur edhe në reagimin e ashpër të opozitës që ka paralajmëruar se në rast se z. Xhafa do të emërohet Ministër i Brendshëm do të ketë edhe trazira. Konferenca pritet me shumë interes ndërkohë që thuhet se do të ketë edhe surpriza në deklarimin e Presidentit Nishani.