Era Istefri do të këndojë në finale të Botërorit këngën që është tashmë një hit së bashku me Niki Jam dhe Will Smith.
Këngëtarja shqiptare ishte drejtpërdrejtë në një konferencë për shtyp të organizuar nga FIFA.
Kur ajo u pyet se cilin do të zgjidhte si lojtarin më të mirë të Botërorit përgjigja ishte “befasuese”. Era pritej të zgjidhte një futbollist me origjinë shqiptare, por ajo tha emrin e Kristiano Ronaldos, i cili është eleminuar që në fazën e 1/8-ave nga Uruguai.
Megjithatë, kengëtarja e hitit “Live It Up” përmendi edhe momentin më emocionues në këtë kampionat. “Momenti më i paharueshëm për mua ishte kur luajti Zvicra dhe shënuan 2 shqiptarët” u shpreh Istrefi. Will Smith nga ana tjetër tha se ishte neutral për sa i përket tifozllëkut në këtë turne. Finalja e Botërorit do të luhet në datën 15 korrik. Këngëtarët ndodheshin në një konferencë që mund ta ndiqni më poshtë të plotë.
