Kryeministri Edi Rama ka mbërritur në Romë të Italisë, për konferencën e rimëkëmbjes “Ukraine Recovery Conference 2025”.
Në mbërritje ai është pritur nga kryeministrja italiane, Giorgia Meloni.
Kjo konferencë është një nga forumet më të rëndësishme ndërkombëtare të këtij viti, në mbështetje të Ukrainës dhe rindërtimit të saj pas pasojave shkatërruese të luftës.
Në të marrin pjesë liderat botërorë, përfaqësuesve të lartë të BE-së, G7-ës, organizatave ndërkombëtare, institucioneve financiare dhe sektorit privat, për të koordinuar ndihmën konkrete dhe investimet strategjike në sektorët kyç të Ukrainës.
