E para nga shtatë finalet e mbetura drejt Europianit2024. Ndryshe nga paraardhësit e tij, Sylvinho nuk fshihet. I ka të qarta objektivat e kombëtares dhe pritshmëritë e opinionit dhe flet pa komplekse për atë që Shqipëria duhet të bëjë. Duke nisur nga sfida me Moldavinë.
“Kemi shtatë finale dhe duhet të luajmë fort në të gjitha ndeshjet. Me Moldavinë është finalja e parë, duhet të jemi të përqendruar dhe një skuadër që ta sulmojë fort kundërshtarin. Duhet të luftojmë për të fituar. Ata kanë lojtarë të mirë dhe kanë regjistruar dy rezultate të mira në startin e këtyre kualifikueseve. Duhet të jemi mbi të gjitha të përqendruar, që të realizojmë objektivin tonë. Nuk ka ekipe të vogla”, tha tekniku i kuqezinjve.
Nëse në të kaluarën ambiciet e kuqezinjtë janë minuar nga shpalosja e objektivave përtej mundësive, kapiteni Elseid Hysaj bën thirrje që këtë herë ekipi të qëndrojë me këmbë në tokë.
Shqipëria luan me Moldavinë këtë të shtunë, duke nisur prej orës 20:45. Në arenën Kombëtare pritet të jenë të pranishëm rreth 15 mijë tifozë në mbështetje të kuqezinjve.
