Ish-deputeti i Partisë Demokratike, Ervin Salianji po zhvillon konferencën e tij të parë për mediat, pas lirimit të tij me kusht nga burgu paraditen e sotme.
Në nisje të fjalës së tij para gazetarëve, Salianji u shpreh se u burgos prej muajsh për arsye politike dhe se lirimi i tij me kusht erdhi pasi ai kreu 2/3 e dënimit.
U riktheva përsëri në të njëjtën sallë në të cilin bëra denoncimin e famshëm…prej muajsh bëra burg për asnjë arsye. Nga kjo seli u nisa vetë për të kryer dënimin politik në burgun e Fierit. Sot fatkeqësisht jemi me të njëjtat sëmundje që ka Shqipëria me një Shqipëri që edhe me dënimin tim nuk pati ndonjë benefit, por pati regres.. burgosja ime politike u bë për shkak të prekjes të një prej karteleve më të mëdha të drogës të lidhura me pushtetin..pushteti i Ramës dhe pushteti që buron tani më nga këto lidhje dhe dënimi politik ishte për të dhënë mesazh ndaj kolegëve dhe qytetarëve që kush do që ëhstë kundër qeverisë do ta pësojë.
Salianji hodhi akuza ndaj gjyqtarëve të çështje së tij, duke u shprehur se është gjykuar nga familjarë dhe të afërm të zyrtarëve të Partisë Socialiste.
“Ju e keni parë që e kam marrë si një kosto që vjen për shkak të angazhimit publik, si kosto për shkak të mosdorëzimit të së vërtetës, moralit apo personalitetit që ka individi. Jam ndjerë në shumë raste kur kam parë që gjyqtarë për shkak të dënimit politik, si Gent Shala. Jep një dënim politik për të shkuar në Gjykatë të Lartë. Për shkak të një emërimi politik i emërohen familjarët e vet në Bashkinë e Shkodrës. I gjithë gjykimi im është bërë me familjarë të afërm të zyrtarëve të PS”, tha Salianji.
