Ambasadori i BE në Shqipëri, Lugi Soreca, ka reaguar pas përfundim të Konferencës së Donatorëve, ku Shqipëria përfitoi 1.15 miliardë euro për rindërtimin pas tërmetit tragjik të 26 nëntorit.
Në reagimin e tij, ambasadori i BE është shprehur se sot është një ditë e madhe për shqiptarët, ndërsa shtoi se këto para duhet të përdoren me transparencë.
Po ashtu, Soreca ka thënë se tashmë është koha të nisë puna dhe se ai do të rikthehet në Tiranë për të sqaruar se çfarë ndodhi në Konferencën e sotme.
“Unë personalisht jam i lumtur për njerëzit e Shqipërisë. do të kthehem në Tiranë dhe do të shpjegoj se çafër ndodhi këtu. Tani duhet të fillojë puna sepse këto para duhet të përdoren me transparencë. Por sot le të jemi të gëzuar dhe jam shumë afër njerëzve të Shqipërisë dhe dua ti bëj të ditur se kemi punuar për ta dhe e sotmja është një ditë e madhe për ta”, tha Soreca./ Opinion.al
