Ish-kryeministri Sali Berisha ka folur sot për përfshirjen e ish-ministrit Ilir Beqaj në dosjen e koncesionit të sterilizimit, për të cilën është arrestuar ish zv/ministri Klodian Rjepaj dhe biznesmeni i sterilizimit Ilir Rrapaj.
Gjatë fjalës së tij, ai tha është shprehur se “Ilir Beqaj, që ka firmën e tij në të gjitha aktet vendimtare të sterilizimit, është përgjegjës për vdekjen e mijëra shqiptarëve”.
Ish-kryeministri shprehet se sipas tij, Ilir Beqja duke rritur 80 herë çmimin e procesit të sterilizimit, çoi kostot dhe i bëri të papërballueshme dhe u urdhërua të shkurtoheshin 1 mijë operacione në muaj.
“Po drejtësia si është? Më kriminale se krimi. Lexuat ju për Xhevahirin, i cili shkonte dhe lironte Behar Bajrin, pasi kishte vrarë të fejuarën 15-vjeçare. Ky sistem i drejtësisë politikë është plot Xhevahirë.
A nuk është Xhevahir ai që amniston Ilir Beqajn? Ilir Beqaj, që ka firmën e tij në të gjitha aktet vendimtare të sterilizimit, është përgjegjës për vdekjen e mijëra shqiptarëve.
Ilir Beqaj, duke rritur 80 herë çmimin e procesit të sterilizimit, edhe pasi ka përvetësuar- se ndërmarrja është e Ilir Beqës, nuk ka dyshim- sterilizatorin e blerë 1.7 milionë euro, katin e spitalit, pasi ka firmosur për të marrë ujin dhe energjinë falas për ndërmarrjen e tij, çoi kostot dhe i bëri të papërballueshme dhe u urdhërua të shkurtoheshin 1 mijë operacione në muaj.
Kush nuk u operua? Ai që pati para, shkoi te privati. Po ai që nuk pati mundësi? Shumë prej tyre shkuan në atë botë. Dhe ky prokuror, këta prokurorë të supozuar për elitë, de facto elitë krimi, nuk heton, nuk ngre padi ndaj këtij personi, nuk ngrenë padi ndaj McGonigal.
Çfarë do thonë këta prokurorë, kur McGonigal pas dy javësh të pranojë fajin edhe për Shqipërinë?”, tha Berisha./Opinion.al
