Autoritetet turke kanë arrestuar të paktën 160 të dyshuar për lidhjet e tyre të pretenduara me Organizatën Terroriste Fetullah (FETO), grupi që fshihet pas grushtit të shtetit në vitin 2016, sipas burimeve të sigurisë, raportoi të martën Agjencia Anadolu.
Ndërkohë që më herët prokurorët në provincën perëndimore të Izmirit lëshuan urdhra -arresti për 238 persona të dyshuar si pjesë të një hetimi në infiltrimin e grupit terrorist në Forcat e Armatosura Turke.
Të dyshuarit, 218 prej tyre personel aktiv, janë akuzuar për komunikim të rregullt me anëtarët e FETO-s përmes telefonit . Të dyshuarit u arrestuan në një seri operacionesh të njëkohshme në 60 provinca dhe Republikën Turke të Qipros Veriore (TRNC).
FETO dhe udhëheqësi i saj me qendër në SHBA Fetullah Gulen, orkestruan grushtin e shtetit të dështuar të 15 korrikut të vitit 2016, ku mbetën të vdekur 251 persona dhe gati 2200 plagosur.
Ankaraja akuzon gjithashtu FETO se qëndron pas një fushate të gjatë për të përmbysur shtetin përmes depërtimit të institucioneve turke, veçanërisht të ushtrisë, policisë dhe gjyqësorit./ Opinion.al
