Kryetari i Partisë Demokratike Lulzim Basha ka zhvilluar mesditën e sotme një komunikim në ‘zoom’ me disa nga drejtuesit kryesorë të Bashkimit Europian, përfshirë komisionerin për zgjerimin Oliver Varhelyi dhe kryetarin e komisionit për punët e jashtme të PE, David McAllister.
Pas zhvillimit të takimit, kreu i opozitës tha për gazetarët, se ka folur për ndihmën e jashtëzakonshme që BE i ka ofruar Shqipërisë, si dhe për ndihmën në sektorin e shëndetësisë që BE do t’i ofrojë Shqipërisë në të ardhmen.
Po ashtu kreu i PD-së nuk la pa akuzuar qeverinë se është shkaktare e krizës së thellë që sipas tij ka përfshirë vendin.
Sipas Bashës kjo krizë do të marrë fund pas zgjedhjeve të 25 qershorit, duke premtuar se bashkë me shqiptarët do të nisë rrugën e ndryshimit.
Po ashtu kreu i opozitës tha se me partnerët e BE-së do të krijojë një klimë pozitive për investimet e huaja.
“Sapo kam pasur një komunikim në ‘zoom’ me disa nga drejtuesit kryesorë të BE, përfshirë komisionerin për zgjerimin Oliver Varhelyi, kryetarin e komisionit për punët e jashtme të PE, David McAllister, drejtues të tjerë të lartë të BE, të PE ku kam folur dhe për ndihmën e jashtëzakonshme që BE i ka ofruar Shqipërisë, por edhe për ndihmën ekonomike dhe ndihmën në sektorin e shëndetësisë që BE do t’i ofrojë Shqipërisë në të ardhmen.
Një gjë është e qartë si drita e diellit për shkak të dështimit të Edi Ramës, Shqipëria është sot në krizën më të thellë ekonomike krahasuar me çdo vend tjetër të rajonit
Në tetë vite Edi Rama i ka rritur taksat duke u marrë shqiptarëve 3 miliardë euro më shumë. 40% e të ardhurave të biznesit shkon kosto e taksave të rritura të radhës. Numri i personave që kanë humbur vendet e punës është më i larti në rajon. Kjo është arsyeja që Shqipëria është sot vendi me krizën më të thellë në Rajon.
Ky është realiteti dhe kjo nuk mund të fshihet. Lajmi i mirë është se ditët e kësaj qeveria janë të numëruara. Tirja e qeverisë që u ka marrë paratë shqiptarëve nuk mundet më të fshihet dhe as të fshehë dështimin tij. Është koha për ndryshim.
Është koha për të reaguar për këtë qeveri. Ne kemi një plan konkret ekonomik dhe se bashku me shqiptarët me 25 prill do të largojmë të keqen dhe do të nisim rrugën e ndryshimit. Se bashku me partnerët tanë të BE-së do të krijojmë një klimë pozitive për investimet e huaja. Çdo kush e di që Edi Rama ka dështuar, por e nesërmja do të sjellë një ndryshim për të gjithë shqiptarët.”- tha Basha./ Opinion.al
