I ftuar së fundmi në emisionin e pasdites “Ftesë në 5” ishte kompozitori shumë i njohur dhe i dashur për publikun shqiptar, Agim Krajka. Ai ka rrëfyer për koncertin e ri gala që do të zhvillohet së shpejti, me titullin “Të gjithë e duan Krajkën”.
Që kur hyri në studio, Krajka nisi të komplimentojë moderatoren e programit, Bieta Sulon. Duke thënë se i kishte vënë kusht produksionit që nëse prezantuesja nuk do të ishte e bukur, ai s’do të merrte pjesë në emision.
Gjatë intervistës, Bieta i ka kërkuar Krajkës të përshëndesë e të puthë gruan, mirëpo kompozitori nuk ka pranuar, duke thënë se përderisa e ka Bietën aq afër, nuk do ta puthte gruan e tij nga ekrani. Krajka është shprehur se në vend të gruas, preferon të puthë Bietën.
“Për mua është kënaqësi shumë e madhe që marr gjithë këto komplimente prej teje.”- ja ka kthyer Bieta duke qeshur.
“Merr të puthurat, lëri komplimentet.”- i përgjigjet kompozitori.
“Unë do të doja ndonjë kompozim. Po të bëje ndonjë kompozim, ndonjë këngë, po. Kjo është sfida.”- ka vazhduar moderatorja.
“Do vish të më puthësh ti mua pastaj për kompozimin tim?”
“Unë do të të falenderoj pastaj.”
“Epo, faleminderit për faleminderit.”- ja ka kthyer Krajka dhe publiku ja ka plasur të qeshurës.
Por të gjithe situaten Bieta e ka marrë me sportivitet, duke ndarë dhe dialogun mes tyre ne Instagram.
View this post on Instagram
