Kuvendi i Shqipërisë do të zhvillojë ditën e enjte seancën plenare pas lejes së siguruar nga Komiteti Teknik i Ekspertëve.
Sipas informacioneve seanca do të mbahet në kushte rigoroze duke respektuar të gjitha masat anti-COVID.
Ndërkaq bëhet me dije se seanca do të nis në orën dhjetë me një interpelancë të kryeministrit Rama kërkuar nga deputeti Ralf Gjoni.
Më pas fjala do të jetë për Ministren e Shëndetësisë, Ogerta Manastirliu.
Kujtojmë që javën e kaluar seanca nuk është mbajtur në Kuvend pas urdhërit të nxjerr nga qeveria për shmangien e grumbullimeve me më shumë se 10 persona në ambiente të hapura apo të mbyllura dhe ndalimin e konferencave apo mbledhjeve.
