Komisioni i Venecias pritet të shprehet sot zyrtarisht për draftin e reformës në drejtësi që iu dërgua për konsultë nga parlamenti shqiptar. Paraprakisht mësohen disa detaje nga rekomandimet zyrtare që do të bëjë venecia. “ duhet urgjentisht, dhe gjendja kritike në këtë fushë justifikon zgjidhje radikale”, thotë Komisioni i Venecias.
Ky organizëm ndërkombëtar rekomandon që të qartësohet me ligj se kush vendos masat disiplinore ndaj gjyqtarëve të Gjykatës Kushtetutese.
Po kështu, rekomandon të shihet mirë roli i ministrit të Drejtësisë në Inpektoritatin e Lartë të Drejtësisë për të shmangur konfliktin e interesit.
Sa i takon Prokurorit të Përgjithshëm Komisioni i Venecias thotë se nuk duhet të ndërpritet mandati i tij.
“Kushtetuta duhet të përcaktojë kriteret për emërimin e gjyqtarëve dhe prokurorëve, bazuar në meritë, të shpallë thirrjet për kandidatura, procedurë transpartente të përzgjedhjes, shumicë kandidatësh.
Kushtetuta duhet të sqarojë lidhjen mes prokurorëve të Strukturës Speciale Antikorrupsion dhe Prokurorisë së Përgjithshme.
Përberja e Komisionit të Pavarur të Kualifikimit dhe statusi i anëtarëve të saj duhet të garantojë pavarësi dhe paanshmëri , thuhet në rekomandimet e Venecias.
