Është mbledhur për herë të parë Komisioni i Posaçëm për Reformën Zgjedhore, në të cilin kanë marrë pjesë deputetë të mazhorancës dhe të opozitës së re parlamentare. Në takim kanë qenë edhe disa ambasadorë të huaj në Shqipëri, duke përfshirë të ngarkuarën me punë të SHBA-së, Leyla Moses-Ones.
Ky komision drejtohet nga Damian Gjiknuri dhe Rudina Hajdari. Në fjalën e tij, Gjiknuri tha se Partia Demokratike do ta ketë gjithmonë një derë të hapur për t’iu bashkuar këtij komisioni.
“Do të vazhdojmë pavarësisht mungesës së vullnetit, kanë një karrige bosh në çdo kohë që duan të marrin pjesë. Kjo është një ftesë e hapur, edhe pse kanë zgjedhur një rrugë jo demokratike. Jam i bindur që një ditë do të ndodhë, pavarësisht nga retorika e çastit”, tha Gjiknuri./Opinion.al
