Ditën e sotme ka nisur mbledhje e Komisionit Hetimor Parlamentar, cili po heton nëse është shkelur ose jo Kushtetuta nga ana e Presidentit Ilir Meta për anulimin e 30 qershorit si datë për zhvillimin e zgjedhjeve lokale.
Ndërkohë, Komisioni Hetimor Parlamentar ditën e stome kishte si rend dite dhe zgjatjen e punimeve të këtij Komisioni, deri në daljen e opinionit nga Komisioni i Venecias mbi dekretin e Metës.
Lidhur me rendin e ditës, deputeti i opozitës parlamentare, Adriatik Alimadhi është shprehur që ky komision duhet të mbyllet, pasi meta nuk ka bërë asnjë shkelje kushtetuese.
“Ky komision nuk duhet të vazhdojë sepse nuk kemi elementet për të vazhduar me hetimin ndaj Presidentit sepse nuk kemi shkelje të rëndë. Presidenti nuk ka bërë ndonjë marrëveshje që prek të drejtat e qytetarëve të këtij vendi”, tha Alimadhi.
Por, kërkesa e Alimadhit është refuzuar nga kryetar i komisionit, Ulsi Manja i cili ka theksuar se është kërkuar zgjatja e punimeve të komisionit me të paktën dy muaj./ Opinion.al E.Xh.
