Aktualitet

Komisionet parlamentare/Rushaj: Kthyem ligjshmërinë, Balla:Falenderojmë opozitën


Bëhu pjesë e Grupit Zyrtar të Opinion.al
>> KËTU <<
               Publikuar në : 11:35 - 04/10/21 |
Opi Nion

Kreu i Grupit Parlamentar të Partisë Demokratike, Alferd Rushaj,  ka dhënë këtë të hënë një deklaratë për mediat, ku është shprehur se  Konferenca e  Kryetarëve ka vendosur që mbledhjet e Komisioneve Parlamentare të zhvillohen fizikisht në salla.

Ndër të tjera, Rushaj bëri me dije  se në mbledhjen e sotme në Kryesinë e Kuvendit është rënë dakord që tre komisionet hetimore, të propozuara nga PD, të kalojnë në seancën plenare të datës 14 tetor për diskutim dhe miratim.

“Vendimi që u mor sot në Konferencën e Kryetarëve kishte të bënte me kthimin e ligjshmërisë, sa i përket mbledhjes së komisioneve. Pas përpjekjeve tona për të vendosur ligjshmërinë, lidhur me punën që opozita duhet të bëjë në komisionet parlamentare, sot u ra dakord përfundimisht që mbledhjet të bëhen me prezencë fizike, siç e parashikon rregullorja, duke respektuar masat anti-Covid.

Po kështu u diskutua dhe ra dakord që të tre komisionet hetimore të kalojnë në seancën e datës 14 tetor për diskutim dhe miratim. Ne paraqitëm kërkesën tonë në përputhje me ligjin, dhe i bëmë të qartë deputetëve të PS se e drejta e opozitës për të ngritur komisione hetimore është e patjetërsueshme. U ra dakord që të tre komisionet të kalojnë në seancë plenare. Ne nuk tërhiqemi nga ajo që Kushtetuta ka vendosur në raport me komisionet hetimore”, tha Rushaj.

Pas kreut të Grupit Parlamentar të PD-së edhe kreu i Grupit Parlamentar të PS, Taulant Balla, ka dhënë një prononcim për gazetarët, ku ka theksuar se Komisionet Parlamentare janë instrumente të Kuvendit për të hetuar çështje me interes publik.

Më tej ai falenderoi deputetët e opozitës që ranë dakord për mënyrën e zhvillimit të mbledhjeve, të cilat do të jenë fizike ndërsa deputetëve do të kërkohet certifikata e vaksinimit ose testi që tregon se nuk janë infektuar me Covid-19.

“Komisionet hetimore parlamentare janë  instrumente në duart e Kuvendit për të hetuar çështje në interes publik, por puna e tyre rregullohet nga një ligj i posaçëm.

Unë kam propozuar që numri i anëtarëve të mos jetë kaq i madh, pasi sa më i vogël të jetë numri aq me efektive janë.  T’iu lemë hapësirë edhe deputetëve që nuk janë pjesë e grupeve parlamentare të marrin pjesë.

Kemi arritur konsensus me opozitën sot. Falenderoj deputetët e opozitës për mënyrën e zhvillimit të mbledhjeve, duke vend Kuvendin në të njëjtën linjë me universitetet dhe shkollat. Pjesëmarrja do të jetë fizike por me kusht që çdo deputet të ketë certifikatë vaksinimi ose test kundër Covid-19”, tha Balla./Opinion.al

 

 

Pas