Një incident është regjistruar ditën e sotme gjatë procesit të votimit në fshatin Gurrë e Madhe, bashkia Klos.
Mësohet se tre komisionerë të PS-së kanë goditur me levë levë në kokë 59-vjeçarn, Asllan Likursi.
Shkak i konfliktit është bërë se vëllai i Likursit ka filmuar makinën me të cilën komisionerët transportonin qytetarë për të votuar.
Në tentativë për të ndaluar filmimin, komisionerët kanë goditur fillimisht vëllain e 59-vjeçarit dhe më pas kanë goditur dhe atë.
Pas goditjes me levë, ai është transportuar në në spitalin e Burrelit dhe më pas drejtë Tiranës për mjekim të specializuar.
Ndërkohë, vëllai i Asllan Likursi ka marrë plagosje të lehta. Ai ka bërë publik dhe emrat e komisionerëve të PS të cilët kanë goditur atë dhe vëllain e tij.
Ai shprehet se kanë qenë komisionerët Ylber dhe Lulzim Musta dhe Ervin Heti.
Pas konfliktit bëhet me dije se efektiv të FNSH kanë shkuar në banesën e vëllezërve të plagosur.
“Djali ka shkuar me votu, vëllai i vogël ka filmuar komisionerët që kanë marrë makina private pa letra dhe targa, ka shkuar duke marrë votues dhe lënë qendrën e votimit. Merr njerëz dhe fut brenda. Vëllai i vogël ka filmuar makinën, ata kanë marrë levat dhe kanë dalë jashtë, e kanë gjuajtur vëllanë e vogël.
Ky ka hyrë për ti ndarë dhe e kanë goditur edhe këtë kokës. Kur ika unë ishin mbuluar me gjak. Vëllai i vogël është në shtëpi, këtë e kanë dëmtuar më shumë. Policia këtij i tha shko dhe bëj denoncimin. Janë goditur nga komisionerët Ylber dhe Lulzim Musta dhe Ervin Heti.Tre komisionerë të PS, se ne nuk kemi komisionerë. Ata kanë qenë me leva dhe llastiqe dhe e kanë gjuajtur vetëm se ka filmuar makinën, transporto njerëz dhe fut brenda”./ Opinion.al E.Xh.
