Komentuesit në Opinion.al: Për plehrat të vendosë populli me referendum

Ndjekësit e emisionit “Opinion” kanë komentuar në Opinion.al çështjen e ligjit të importit të mbetjeve, i rikthyer nga deputetët socialistë dhe që pritet të votohet sot në parlament.

Ndërsa deputeti Eduard Shalsi mbronte propozimin e vet për lejimin e importit të mbetjeve, një pjesë e madhe e komentuesve online e cilësojnë këtë projektligj një turp kombëtar që përfaqëson interesa klienteliste.

Një tjetër shumicë komentuesish kërkojnë që për këtë ligj të vendosë vetë populli përmes referendumit.

“Nese Shalsi i drejtohet vazhdimisht shqiptareve dhe jo panelit perballe, atehere pse nuk ja le shqiptareve ta vendosin kete gje me referendum? Kjo ishte ne axhende te referendumit qe ne vitin 2013 dhe nuk eshte e drejte tani qe ne kete “referendumin” televiziv te votoje vetem Shalsi per te gjithe shqiptaret”-shkruan një komentues.