Mëngjesin e kësaj të hëne, kryeministri Edi Rama mblodhi grupin parlamentar të Partisë Socialiste.
Një nga porositë e kryeministrit Rama për deputetët socialistë është dhe që ata të jenë më aktivë në rrjetet sociale për të komentuar në lajmet që janë kundër qeverisë, por dhe në ato që janë pro saj.
Kjo kërkesë është bërë dhe për të rinjtë e FRESH-it,të cilët do të duhet të komentojnë çdo lajm që publikohet në rrjetet sociale kundër qeverisë “Rama”.
Ndërkohë, socialistët kanë vendosur ti japin 3 muaj kohë komisionit të reformës zgjedhore dhe të zëvendësojnë Blerina Gylametin me Damian Gjiknurin në krye të tij.
Nga ana tjetër, opozita ka paralajmëruar që protestat do të vijojnë deri në krijimin e qeverisë tranzitore dhe të garantohen kushtet për zgjedhje të lira dhe të ndershme./ Opinion.al E.Xh.
