Një gjykatës i gjykatës së Nju Jorkut ka gjobitur ish-presidentin amerikan Donald Trump me 10 mijë dollarë, pasi ish-presidenti akuzohet se kishte shkelur një urdhër të kufizuar në gjyqin e tij për mashtrim civil.
Sipas mediave të huaja, ishte hera e dytë në më pak se një javë që Trump penalizohej për komentet e tij jashtë gjykatës.
Përpara se të vendoste gjobën e fundit, gjyqtari Arthur Engoron thirri Trumpin nga tryeza e mbrojtjes për të dëshmuar rreth komentit të tij para gazetarëve. Trump dhe avokatët e tij thanë se komenti kishte të bënte me nëpunësin Michael Cohen.
Engoron më 3 tetor kishte urdhëruar të gjithë pjesëmarrësit në gjyq që të mos komentonin publikisht në lidhje me stafin e tij, një kufizim i lëshuar pas një postimi të Trump në mediat sociale që shante nëpunësin.
Gjykatësi kishte urdhëruar Trump të hiqte atë post dhe ai e realizoi, gjë që ish-presidenti vuri në dukje në gjykatë të mërkurën. Por ai postim kishte mbetur në uebsajtin e tij të fushatës për javë të tëra, duke shkaktuar një gjobë prej 5,000 dollarësh për Trump të premten e kaluar.
Tre nga avokatët e Trump kundërshtuan gjobën prej 10,000 dollarësh me argumentin se nëpunësi ishte i njëanshëm.
Cohen punoi si avokat i Trump për shumë vite, përpara ndjekjes penale federale të tij në vitin 2018, pranimit të fajësisë dhe dënimit me burg për evazion fiskal, dhënie të deklaratave të rreme për një kërkesë kredie bankare, gënjeshtra në Kongres dhe kontribute të paligjshme në fushatën e Trump.
Ai tani është një dëshmitar kyç në çështjen civile të Prokurores së Përgjithshme të Nju Jorkut Letitia James kundër Trump./Opinion.al
