Aktorja e njohur Barbra Streisand është shprehur rreth dokumentarit “Leaving Neverland” ku akuzohet ylli i ndjerë i muzikës pop Micheal Jackson për abuzim me të djem të mitur.
“Ishte shumë e dhimbshme. Ai ishte shumë fëminor dhe i mirë. Nevojat e tij ishin të tijat dhe vinin nga fëmijëria dhe nga ajo ADN që kishte. E di që do thoni se po e teproj, por këta fëmijët, siç edhe vetë kanë thënë ishin të gëzuar që ndodheshin atje. Ata nuk i ‘gjeti gjë’, tani janë të martuar dhe prindër. Ndihem keq për fëmijët, por edhe për Michael. I fajësoj prindërit që i lejuan fëmijët të flenë me të”,-u shpreh këngëtarja.
Por kjo deklaratë e saj në një intervistë për “The Times of London” ka shkaktuar shumë reagime kundër saj në rrjete sociale.
Duket se ndjekësit u ndanë në dy kampe një grup që mbron kujtimin e Jackson dhe pjesa tjetër që mbron ata që akuzuan këngëtarin. Në të dyja grupet komenti i aktores së njohur është gjykuar duke e cilësuar si të tepërt këtë mënyrë të shprehuri./Opinion.al/
