Luana Vjollca dhe Krenar Çoçaj përfliten se janë në një lidhje prej më shumë se dy vitesh. Ndonëse nuk ka më vende për dyshim, ata përsëri nuk e kanë konfirmuar zyrtarisht lidhjen e tyre. Mirëpo këto kohët e fundit si Luana ashtu dhe Krenari e kanë liruar pak dorën me komente. Së fundmi komenti i Krenarit në foton e Luanës sapo tregoi shumë për lidhjen e tyre, duke hedhur poshtë edhe thashethemet për një ndarje të mundshme.
Mbrëmjen e djeshme çifti i ka dhënë fund fjalëve për ndarjen e tyre, duke treguar se kanë qenë së bashku duke darkuar. Këtë e kanë pranuar përmes disa komenteve në një foto të postuar nga moderatorja.
Në diçiturën e fotos ku shihej duke ngrënë patate, Luana kishte shkruar: Hey, patate me mua?
“S’ ka mbetur më asnjë, mos fto njerëz kot”, i komenton Krenari.
“Llupsss”, ia kthen Luana duke i “vënë kapak” kësaj historie.
