Komentet, Lazarati në Hollywood, bum kërkesash për aktor

Ditë më parë, Opinion.al publikoi lajmin e bujshëm të mundësisë së xhirimit të një filmi për Lazaratin në Hollywood, marrë shkas nga burime të sigurta të cilat informonin mbi ardhjen e regjisorit të filmit në Shqipëri dhe vëzhgimeve që ai po bënte në disa zona të vendit për përzgjedhjen e vendeve të xhirimit. Ky lajm ka rritur edhe interesimin e komentuesve, një pjesë e mirë e të cilëve kanë shprehur dëshirën për të qenë pjesë e setit të xhirimit, qoftë edhe si figurantë. Madje çudia është se në komentet për shkrimin, ata kanë lënë gjeneralitetet e tyre të plota dhe në krah numrin e telefonit. Ndoshta me të drejtë pasi një film si Lazarati, mund të të japë famë të shpejtë, ashtu siç mori edhe vetë fshati me kultivimin e kanabisit, duke sfumuar disi edhe famën e plantacioneve historike si ato të Kolumbisë, të njohura për namin e tyre botëror.