Kryeministri britanik Boris Johnson u është përgjigjur pyetjeve të deputetëve britanikë në lidhje me komentet e presidentit amerikan Joe Biden për Vladimir Putin.
Biden kishte thënë se presidenti rus “nuk mund të qëndrojë në pushtet” – megjithëse më vonë ai u tërhoq nga komenti i tij dhe tha se nuk po bënte thirrje për ndryshim regjimi.
Boris Johnson tha se pikëpamja e tij ishte se “Putinit nuk duhet t’i besohet”. Për komentet e presidentit amerikan se fundi i konfliktit do të ishte largimi i Putin, kryeministri tha se ky “nuk ishte objektivi i qeverisë së Mbretërisë së Bashkuar”.
“Ne thjesht po nisemi për të ndihmuar, për të mbrojtur popullin e Ukrainës dhe për t’i mbrojtur ata kundër dhunës absolutisht barbare dhe të paarsyeshme. Kjo është ajo që ne po bëjmë,” tha ai.
“Ne sigurisht që po i mbështesim ukrainasit teksa ata mbrojnë veten.”-vijoi ai.
