Janë bërë publike emrat e 24 lojëtarëve që Edoardo Reja, trajneri i Kombëtares shqiptare do të grumbullojë për dy ndeshjet e fundit kualifikuese për Botërorin “Katar 2022”.
Berat Gjimshiti, i cili u dëmtua në ndeshjen që Kombëtarja zhvilloi ndaj Hungarisë në Budapest nuk do të ketë mundësi t’i bashkohet skuadrës, ndërsa vërehen rikthime si Albi Doka dhe Qazim Laçi. Sigurisht nuk mungon Armando Broja.
Ekipi do të nisë grumbullimin nga dita e hënë në Durrës.
Shqipëria përballet më 12 nëntor me Anglinë në transfertë, ndërsa më 15 nëntor në “Air Albania” do të jenë përballë Andorrës. Shqipëria renditet aktualisht e treta në Grupin I me 15 pikë./Opinion.al
