Kombëtarja në Venecia…jo për turizëm

Kombëtarja shqiptare ndodhet aktualisht në Venecia, por jo për qejf pasi vendi romatik italian është destinacioni i kuq e zinjëve, përpara sfidës me Danimarkën e cila do të mbahet në 4 shtator në Kopenhagen. Trajneri i kombëtares Giani De Biazi në bashkëpunim me FSHF ka bërë këtë zgjedhje, pasi mendon se kështu i vjen më tepër në ndihmë lojtarëve që luajnë në Itali, apo në vende të tjera afër saj. “Venecia edhe për arsye logjistike i vjen në ndihmë futbollistëve që luajnë në Itali, Zvicër e Gjermani. Për ta aeroporti i Venecias është një vend i përshtatshëm për udhëtim. E do të jemi në zonën e kodrës”, ka thënë De Biazi.