Herolind Shala është mesfushori i Kombëtares së Kosovës që i është bashkuar ekipit në fazën përgatitore për dy ndeshjet e rradhës, të vlefshme për Eliminatoret e Rusi 2018. Kosova do të përballet me Kroacinë më 6 Tetor, ndërsa më 9 Tetor me Ukrainën.
Shala ka shprehur edhe një herë krenarinë e tij që po luan për fanellën e Kosovës dhe ka suprimuar me pritshmërinë e tij.
“Do të jetë një ndeshje e vështirë por ne kemi një skuadër të mirë dhe besojmë në fuqinë tonë. Synimi ynë është të bëjmë një lojë të mirë dhe ta befasojmë Kroacinë. Nuk është asgjë e pamundur”, tha ai.
Ai tregoi se kosovarët kanë diçka më shumë se kroatët.
“Kemi zemër më të madhe dhe luajmë për fanellë. Besoj që me zemër do të luajmë të gjithë që të arrijmë rezultat pozitiv”.
Megjithëse në letër Kroacia është dukshëm më e favorizuar,gjithçka mund të ndodh në futboll.
