Koloneli dhe komandanti i Policisë Provinciale në Bergamo, Paolo Storone në një intervistë për “Corriere Della Sera” është shprehur se tregu i heroinës është në duart e trafikantëve shqiptarë.
“Në Bergamo, tregtimi i heroinës është në duart e trafikantëve shqiptarë, të cilët kanë një rrjet të mirë korrierësh, raporte të drejtpërdrejta me grupet kriminale të huaja e nuk kanë probleme me kriminalitetin italian”.
Pra ndryshe nga Milano, ku tregu i drogës është në duart e mafias kalabreze Ndrangheta, në Bergamo zotërohet nga trafikantët e huaj kryesisht shqiptarë”, u shpreh ai , në një intervistë për “Corriere Della Sera”.
Storone flet edhe për rikthimin e konsumit të drogës tip heroine në provincën e Bergamos.
“Kemi verifikuar një shtim të konsumit të heroinës e cila sot kushton gati 1/3 e çmimit të saj të mëparshme e pothuajse më pak se kokaina, është shprehur ai. Përdorimi i heroinës ka një efekt psikologjik që ka ndihmuar në rritjen e kërkesës”, u shpreh ai.
Kreu i Komandës së Policisë Provinciale të Bergamos kërkon edhe rritjen e nivelit të aksionit kundër çdo korrieri të thjeshtë droge deri në nivelet më të larta të organizimeve të tyre.
