Komandantët e kapur të regjimentit Azov në Mariupol po mbahen në burgun Lefortovo në Moskë. Kjo u raportua nga një burim rus për Tass. Sipas burimit, mund të jenë më shumë se 100 luftëtarë të mbajtur rob në burgun e sigurisë maksimale në Moskë, duke përfshirë “mercenarë të huaj” që u dorëzuan në fabrikën e çelikut Azovstal. Marrja në pyetje e tyre do të vazhdonte në këtë fazë. Megjithatë, emrat e komandantëve që duhet të jenë transferuar në burgun e kryeqytetit rus nuk tregohen. Më parë, mediat ruse kishin raportuar transferimin në territorin rus të më shumë se një mijë nga 2,439 ushtarët e kapur nga Moska. Këta përfshinin zëvendëskomandantin e batalionit Azov, Svyatoslav ‘Kalina’ Palamar dhe komandantin e Brigadës së 36-të Detare të Forcave të Armatosura të Ukrainës, Serhiy ‘Volyna’ Volynsky./Opinion.al
