Pro apo kundër shembjes së Teatrit Kombëtar, pro apo kundër ndërtimit të një teatri të ri me PPP?! Ky është debati më i rëndësishëm që po zhvillohet në vend. Ku nga njëra anë shohin qeverinë dhe bashkinë që kërkon të negociojë me një kompani private, projektin e një teatri të ri me disa kulla përreth. Nga ana tjetër kemi një numër të madh artistësh, aktorë, regjisorë që insistojmë për rikonstruksionin e godinës ekzistuese të Teatrit Kombëtar në zemër të Tiranës. Jashtë këtij debati nuk kanë mbetur as intelektualë të fushave të ndryshme, që në janë vënë krah artistëve dhe kundër PPP-ve me objektet e rëndësishme të trashëgimisë kulturore.
Por nga ana tjetër na bie në sy fakti se mungojnë disa figura të rëndësishme të artit në këtë debat. Për shembull: Kush e ka dëgjuar aktorin e madh Timo Flloko të thotë një fjalë të vetme për Teatrin Kombëtar?! Po kaq edhe aktoret e dashura për publikun si Ema Andrea, Rajmonda Bulku e Yllka Mujo?
Janë dhe shumë të tjerë sigurisht që nuk flasin. Presin në heshtje se çfarë do të ndodhë. Heshtja në këtë rast nënkupton dakordësinë e tyre me shembjen e teatrit, në të kundër do të ishin krah kolegëve që protestojnë prej 2-3 muajsh.
Lista mbetet e hapur: Na propozoni artistë të tjerë që do të donit ti dëgjonit në këtë debat….
/Opinion.al
